Kapin sa 360 nga ka unga ag magueang ro nagabueuligan agud nga birahon ro sangka Boeing 787 aircraft nga may bug-at nga kapin sa 133 tonelada ag may disenyo it mga karakter halin sa Pokémon sa Narita Airport sa Chiba Prefecture, Japan.
Gamit ro 100 metrong eubid nga nakakabit sa 62.8 metrong haba it eroplano, madinaeag-on raya nga natueod ag nabira it mga nagpasakop kat may eayo nga masobra sa 80 metro.
Ginpatigayon ro aktibidad agud nga maengganyo ro publiko, eabi eon ro mga pamatan-on nga makaangkon it interes sa aviation.
Gin-organisa it operator it Narita Airport ro nasambit aktibidad nga nagtau it tumaeagsahon nga kahigayunan sa mga participants it sangka aktuwal nga eroplano ag makasueod sa sangka aircraft hangar.
Ro nasambit nga All Nippon Airways aircraft hay kaeabanan nga ginagamit sa mga biyahe paagto ag halin sa nagkaeain-eain nga parte it Asya.
