KALIBO, Aklan — Sangka tumaeagsahon nga kaso ro nailista sa Malaysia matapos matukiban nga may nagatubo nga busoe it rambutan sa esophagus ukon tubo nga gina-agyan it pagkaon it sangka 70-anyos nga eaeaki.
Base sa report, naka-eksperyensiya ro eaeaki it pagsuka ag kabudlay sa pagtueon sa sueod it tatlong domingo.
Sa ginpatigayon nga endoscopy, natukiban it mga doktor ro busoe nga naga-abang sa anang esophagus.
Eubus ro pagkakibot it mga doktor kat makitang naga-abot sa tatlong sentimetro ro haba it busoe ag nag-umpisa eon raya nga magtubo nga gina-angot sa mainit ag mataas nga moisture nga kondisyon sa sueod it eawas.
Gin-publish ro tumaeagsahon nga insidente sa sangka medical journal ag ginakabig nga kauna-unahang dokumentadong kaso it pagtubo it busoe it rambutan sa sueod it eawas it tawo, suno sa report.
