Nagpaguwa it open letter ro Partido Demokratiko Pilipino Lakas ng Bayan (PDP LABAN) sa Supreme Court, nga nagapanawagan nga insigidang resolbahon ro mga kaso nga naga-involve kanday former President Rodrigo Duterte ag Senator Ronald “Bato” dela Rosa.
Sa open letter, nga pirmado ni PDP LABAN acting chairman Alfonso Cusi, ginpa-athag it political party nga naga-intra sanda bilang “concerned third party” sa interes it publiko.
Apang ginpahayag it PDP Laban nga owa sanda nagahinyu sa korte nga adoptaron ro specific legal stance kundi mag-issue it definitive ruling agud malikawan ro dugang nga instability.
Sa idaeum it laye it Pilipinas, mahimo eang mapaguwa ro warrant of arrest kun matumod ro probable cause nga gina-determine it judge, nga suno sa PDP LABAN, owa naabot it anuman nga local court angot sa kaso ni Duterte ukon ni Dela Rosa.
Ginpahayag it partido nga respetuhon ag sundon nanda kun ano man ro desisyon ang igapapanaog it mahistrado kun ma-establish ro klaru nga ruling.
Gintumod man it partido ro sobra nga procedural delays nga nagapalibot nga mga kaso.
Suno kana, nagapabilin nga pending it haeos 600 diyas ro habeas corpus petition nga gin-file para kay Duterte.
Nagpa-andam man ro grupo nga haeos kapareho kara sa judicial delay ko tiempo it martial law.
