Ginbawi eon it U.S. Federal Aviation Administration (FAA) ro nationwide ground stop bangud sa telecommunications ag data-overload failure nga nagbawae sa departures sa bilog nga nasyon nga nagbuhay it masobra sa ap-at nga oras.
Sa pihak kara, padayon ro imbestigasyon it mga otoridad.
Suno kay Transportation Secretary Sean Duffy, gina-angot ro hitabo sa overloaded switches ag routers.
Pilang source ro nagpahayag nga posibleng may kaangtanan ro problema sa telecommunications network nga ginapadaeagan it L3Harris, nga ginagamit sa komunikasyon it air traffic control sa Estados Unidos, sa maeapnagon nga aberya sa mga biyahe it eroplano.
Nag-abot sa 4,700 flight ro nakansela, nga nagresulta sa pagka-stranded it libu-libong pasahero.
Samtang, ginklaru nanday US President Donald Trump ag Homeland Security Secretary Markwayne Mullin nga owa sanda it nakikitang indikasyon nga may natabu nga cyberattack angot sa insidente.
