-- ADVERTISEMENT --

Sa kustodiya makaron it US Immigration and Customs Enforcement (ICE) ro dating Venezuelan boxing champion nga si Jorge Linares matapos arestuhon sa El Paso International Airport sa Texas.

Suno sa ICE, gin-aresto si Linares bangud sa gina-alegar nga overstaying ukon pagpabilin kara sa Estados Unidos nga eampas sa ginapasugtan nga tiempo it anag temporary stay permit. Presenteng naka-pending ro deportation proceedings kontra kana.

Ginpamilit man it anang legal team nga may pahanugot imaw nga magpabilin sa US ag nakikipagbueuligan imaw sa mga awtoridad agud nga maresolba ro isyu.

Nagpahayag man it suporta si World Boxing Association (WBA) President Gilberto J. Mendoza kay Linares.

Nagretiro ro dating boksingero ko 2023 matapos ro masobra sa 20 anyos nga karera, kun sa siin, naging world champion imaw sa featherweight, super featherweight ag lightweight divisions.

-- ADVERTISEMENT --