KALIBO, Aklan — Magapaguwa it kapin sa P5-million ro Department of Agriculture (DA) agud pondohan ro igapatindog nga agri-tourism site it mga katutubo sa Boracay kamana man ro Boracay Women Producers Cooperative ag mga mangingisda sa isla.
Sa interview it Bombo Radyo, ginpahayag ni Sangguniang Panlalawigan member Soviet Russia dela Cruz nga target ni Agriculture secretary Manny Piñol nga himuon nga agri-tourism site ro ancestral land it Boracay Ati Tribal Organization (BATO) nga pagabuksan sa reopening it Boracay sa Oktubre 26.
Gina-umpisahan eon sigon sa makaron ro pagtanun sa vegetable production area gamit ro solar powered greenhouse agud nga sa opening kara hay posible eon nga maka-harvest it mga tinuean-on.
Gintuead sigon ro sistema sa greenhouse facility it lokal nga gobyerno it Aklan nga makit-an sa Barangay Nalook, Kalibo.
Mag-eowas kara, maga-angkon man it milk parlor it mga kanding sa lugar, organic restaurant ag tribal inspired hostel.
