Kalibo, Aklan-Pursigido eon si Sangguniang Panlalawigan member Nemesio Neron nga magpadaeagan bilang mayor it banwa it Banga sa maabot nga midterm election sa 2025.
Suno kana nga pagahinyu-on nana sa mga lider it andang local party nga Tibyog-Akean nga pasugtan imaw sa anang plano.
Igaduso man sigon nana nga makaangkon it zona libre engkaso nga may napilian eon ro partido nga magapa-ilihir sa nasambit nga posisyon .
Nagapati si Neron nga maabu nga mga Banganhon ro magasuporta kana.
Maskin nga owa pa it final announcement, apang ginpabutyag nana nga engkaso nga taw-an it tsansa ag magdaog hay siguradong indi magahinoesoe ro mga taga-banwa it Banga sa andang desisyon .
Nasayuran nga raya eon ro ulihing termino ni Neron bilang provincial board member.
Madumduman nga naging bukambibig it opisyal nga antes nga eubusan nga magretiro sa pulitika hay gusto nana nga magserbisyo bilang alkalde it banga.
