Kalibo Aklan——–Gin-engganyo ni Aklan Governor Florencio Miraflores ro mga turista nga magbakasyon sa Isla it Boracay.
Raya hay matapos nga ginhaeugaan eon ro quarantine restrictions sa bilog nga probinsiya it Aklan umpisa ko Setyembre 8 kasunod it pagnaba it kaso it COVID-19.
Nasayuran nga haeos limang domingo man nga temporaryong nagsarado ro Isla matapos nga ibutang ro Aklan sa MECQ ko buean it Agosto .
Sa makaron ro Aklan hay nakabutang sa General Community Quarantine (GQC) hasta sa Sept. 30.
Owa man sigon it anuman nga pagbag-o sa mga requirements sa pag-agto sa Boracay nga ginaeakipan it negative RT-PRC test 72 oras antes ro pagbiyahe ag confirmed hotel reservation.
Ro mga business establisiments hay bukas hasta alas-10 it gabi-i.
Samtang ro curfew sa Isla hay umpisa alas 10 it gabi-i hasta alas 4 it agahon .
Ro mga turistang pagabatunon hay halin sa GCQ ag MGCQ areas
Sa pihak nga parte, ginpasaeamatan man it gobernador si Tourism Secretary Bernadette Romulo-Puyat sa pagtau it prayoridad sa mga tourism workers sa Boracay nga makabaton it covid vaccine.
Bangud kara, makabig sigon nga preparado eon ro Isla engkaso nga taw-an it go signal ro international bubble bangud nga haeos 95 porsiyento it tourism workers ro bakunado eon .
