Nagaabot sa 1,955 nga mga barangay ro gintumod it Mines and Geosciences Bureau (MGB) bilang prone sa landslide ag pagbaha, kasunod it pagpanaeasa ni severe tropical storm ‘Kristine’.
Ginpahayag it MGB, nga ro probinsya it Cagayan ro pinaka maabong prone sa landslide ag pagbaha, kon sa siin nakalista raya it 802 barangays.
Ginsundan raya it mga probinsya sa Batanes, Isabela, Negros Oriental, Apayao, Kalinga, Ilocos, Occidental Mindoro, Palawan, Aklan, Antique, Iloilo, ag Negros Occidental.
Ro mga nailistang mga barangay nga prone sa landslide ag pagbaha hay base sa andang 100-millimeter ag 150-millimeter Weather Research and Forecasting model (WRF) rainfall threshold values.
Samtang, ginapadahan it mining company ro publiko nga mag-monitor sa andang mga lugar kon sa siin nakakaeksperyensya it mga pagkahugos it eogta nga pwedeng matabo pagkatapos it daywa hasta tatlong adlaw nga sunod-sunod nga pag-uean.
Ginrekomenda it MGB ro mga apektadong barangay nga magpatigayon it andang preemptive evacuation protocols para sa mga residente it andang lugar kon engkasong maglala ro sitwasyon.
