-- ADVERTISEMENT --
KALIBO, Aklan — Ginaselebrar makaron it probinsiya it Aklan ro ika-63 nga anibersaryo kadungan ro mga nakalinyada nga mga aktibidades.
Kada Abril 25 hay ginadeklara ro Aklan Day pinaagi sa gahum it Republic Act No. 1414 nga ginpirmahan ni dating President Ramon Magsaysay ko Abril 25, 1956.
Raya hay sangka special non-working holiday sa probinsiya.
Ro selebrasyon it Aklan Day hay gin-umpisahan it thanksgiving Mass sa Kalibo Cathedral nga ginsundan it parade halin sa Kalibo Pastrana Park paagto sa Godofredo P. Ramos Park nga ginpasakupan it local government units, mga eskuwelahan, public ag private offices, socio-civic ag non-governmental organizations sa probinsiya.
