KALIBO, Aklan – Irepresenta ni Jeff Keffier Evangelio tubong Malay, Boracay, Aklan ro Pilipinas sa World Supremacy Battlegrounds Asia International sa Jakarta, Indonesia sa 2025.
Raya hay matapos nga magdaog imaw sa ginhiwat nga kaparehong kompetisyon sa Bacolod City bilang champion.
Pagsaysay ni Evangelio nga grade 4 pa eamang imaw kat mahilig sa musika ag binueo ag ginhasa sa pagsaot halin kato hay ginkahiligan eun sigon nana raya.
Imaw man ro klase it tawo nga uwa ginabuhian ro sangka bagay apisar nga raya hay mabudlay ngani bisan sigon may mga stunts, styles ukon choreo sa anang saot nga mabudlay hay ginatinguhaan nana raya nga tun-an it mayad.
Pagsugid it kampeonato nga eubos ro suporta it anang mga pamilya, kakilaea ag mga abyan sa anang ginahimo ag kadaeag-an.
Makabig nga skills it binatilyo pag-abot sa saot ro anang naging abanse kontra sa anang ibang kakompetensiya kat imaw ra hay sa Bacolod City.
Pagpakigbahin nana nga bisan masako imaw bilang estudyante, choreographer ag dancer hay ginatinguhaan nana nga tungaon ro anang oras kun siin sa adlaw hay nagatuon imaw ag sa gabei hay nagapractice ukon nagasaot.
Sa makaron ginadiskubre nana si Evangelio ro mga nagkaeain-eain nga styles ukon moves para nga indi sigon imaw mastagnant bilang bahin it anang preparasyon.
Hangkat man suno kana ro financial aspect ngani nga nagahinyo imaw it bulig ag suporta.
Nasayuran nga ap-at ro ginabueo nga representante para sa nasambitan kompetisyon, kun siin halin raya champion hasta 3rd runner up.
Ro World Supremacy Battlegrounds Asia International hay sangka prestihiyoso ag sangka mabuhay eun nga street dancing.
Raya man hay oportunidad para sa mga dancers sa bilog nga bilog nga kalibutan.
