Aminado si Manila six district representative Bienvenido Abante Jr. nga eapnaag ro vote buying kada election sa nasyon it Pilipinas maghalin sa pinakamataas hasta sa pinakamanaba nga posisyon sa gobyerno. Apang, inde sigon dapat pagkabigon nga tanan nga nagapailihir hay nagapaidaeom sa makaraya nga sistema para eamang magdaog sa ginahandom nga pwesto.
Suno kana, bukon eon it bag-o sa tawo ro vote buying bangud nga sanda mismo ro nagabaton kara ag kon sin-o ro may maabo nga binak-ean hay dato ro magadaog. Apang sa ana nga parte hay malimpyo ro anang konsensya halin kat nagsueod sa pulitika hay uwa imaw naeakot sa makaraya nga hilimuon.
Ro reaksyon ni Abante hay matapos akusahan ni Batangas Rep. Leandro Leviste ro pilang matag-as nga opisyal it bilyon-bilyong pisong vote-buying ag grabeng paggastos sa kampanya ko 2025 elections.
Suno kana, dapat magpakita it pruweba ro mamalidha ag inde basta-basta magpabangod.
Kun may kasayuran raya sa vote buying hay dapat pangaeanan nana agud nga direktang makasabat ag bukon it puro “hearsay” eamang ro anang akusasyon.
