Indi pagpabay-an ro mga mata
Puwede gihapon raya nga magkasakit ag masamad kon naging pabaya.
Agud nga makalikaw sa mga seryosong sakit kapareho it glaucoma, diabetic eye disease ag katarata, sundon ro mga masunod.
Magkaon it mga pagkaon nga mayad sa mata kapareho it maberdeng tinuea.
Ro mga mapuea nga karot, kaeabasa ag kamatis hay may angkon nga vitamin A para sa mata.
Ro dueaw nga pakwan hay may sangkap nga lutein nga kinahangean man it mata.
Ro pagkaon it mga matambok nga isda kapareho it tuna, tamban ag tanigi hay importante man.
Samtang, ginalaygay man it mga eksperto nga magsuksok it sunglass.
Mag-eowas sa pagiging sosyal ag “in” ginaprotektahan it sunglass ro atong mata kontra sa maeain nga ultraviolet rays it adlaw.
Ro ultraviolet rays (UV rays) hay puwedeng “makasunog” sa sueod it atong mata (retina).
Magbakae it sunglass nga may markang UV-A ag UV-B protection.
Ipa-check ro inyong blood sugar.
Kun ikaw hay may diabetes, mabahoe ro tsansang makaangkon it diabetic eye disease.
Siguraduhon nga manaba ro inyong blood sugar pinaagi sa ehersisyo ag bueong.
