KALIBO, Aklan—Nasapwan ro gin-eawig nga baka nga patay eon ag uwa it ueo sa Brgy. Aquino, Ibajay.
Suno kay Punong Brgy. Nezita Colangoy, nagreport sa anang taeatapan ro tag-iya nga si Dareen Zantia it Sitio Agutay sa nasambit nga barangay.
Ginpahayag nga nakit-an eon lang kara ro anang baka nga naga edad it tatlong dag-on bandanga alas-9:00 it agahon nga uwa eon it ueo ag nakabitay ro eawas sa payag.
Una kara, may nataeopangdan si Zantia bandang ala-1:00 it aga-aga nga may nagabinalik-balik nga motor apang uwa sanda naga-eaum nga may nagakatabo eon nga kamaea-maeahan sa andang sitio.
Ginpahayag dugang ni Colangoy nga uwa it kontra sa andang lugar si Zantia.
Apang, ro nasambit nga baka hay magueang ni Zantia ro naga-alaga ag gin-eawig raya sa bukid nga may kaeayuon sa andang baeay.
Raya suno kana ro unang kahigayunan nga may insidente it pagpamalit kon siin baka ro ginhalitan.
Nagpanawagan man ro kapitan sa kon sin-o ro responsable sa nasambit nga insidente hay magpakita sa anang kaugalingon.
