Ginakabig nga baganihan ro sangka alagang gansa sa Texas matapos kara nga bugtawon ro anang pamilya ag alertuhon sanda sa sunog nga nag-eontad sa andang kamalig.
Suno kay Bert Gerber, nagakatueog eon imaw kat mabatian ro mabaskog nga pagsangag it andang alagang gansa nga si Goosey.
Nakita man sa security camera it andang baeay ro sunud-sunod nga paghimo it sangag it gansa samtang nagakasunog ro andang kamalig sa likod it andang baeay.
Insigida nga nagguwa si Gerber ag nakita nana ro kaeayo nga amat-amat nga naga-eamon sa kamalig. Gumamit imaw it hose agud nga tapnaon ro kaeayo, samtang eowas nga naka-eskapo ro mga sapat sa sueod kara. Suno sa pamilya Gerber, posibleng mas grabe ro natabu kon owa sanda naalerto ni Goosey.
Naging alaga it pamilya si Goosey ko Mayo matapos raya nga ginhinyu it andang maisot nga unga. Suno sa pamilya, umpisa nga nag-abot ro gansa sa andang baeay hay naging maeapit eon sanda kara rason nga mas nanda nga ginpabugae ro sapat nga gintawag nanda nga maisot nga baganihan ukon hero.
