KALIBO, Aklan—Bukon it pabor ro Alliance of Concerned Teachers ukon ACT sa mandu ni Vice President ag Education Secretary Sara Duterte sa tanan nga mga public school teachers ag administrador nga kakason ro tanan nga mga dekorasyon sa classroom agud nga makapag-focus ro mga estudyante sa andang pagtuon.
Suno kay ACT Secretary General Raymond Basilio nga epektibo ro pagbutang it mga dekorasyon, tarpaulin, mga posters ag iba pang learning materials nga nakapilit sa mga pader sa pagtuon it mga estudyante eabi eon it mga inunga.
Ro sueundanan hay nakabaehag sa DepEd Order No. 21, Series of 2023.
Imbes sigon nga raya ro taw-an it atensyon hay mas mayad nga tutukan ro mga nagapangunang problema sa sektor it edukasyon partikular ro kakueangan sa mga manugturo , classroom ag iba pa.
Bangud sa pag-overflow sigon it mga estudyante rason nga indi maka-focus ro mga estudyante ag manugturo sa andang.
Dapat sigon nga pabay-an eon lang ro diskarte it mga manugturo bangud nga sanda ro nakasayod kon ano ro maka-augment sa andang mga ginaturo agud nga madali nga maintindihan ro andang leksyon.
Nauna eon nga nagpaguwa it mandu ro DepEd kun sa siin nakabaehag kara ro ‘implementing rules’ para sa Brigada Eskwela kun sa siin nagapananawagan sa mga eskwelahan nga siguraduhon eon ro mga pasilidad hay “free” halin sa “unnecessary artwork, decorations, tarpaulin ag posters sa tanan nga oras”.
