Plano it US Air Force nga mag-deploy it B-1B strategic bombers sa US-South Korea military exercises.
Raya hay matapos maglunsar ro North Korea it sunud-sunod nga mga weapons tests ko mga nagtaliwan nga adlaw para iprotesta ro mga allied military drills.
Ro Seoul ag Washington hay naghiwat it “Vigilant Storm” nga air drills umpisa ko Lunes, nga pinaeawig it sang adlaw hasta Sabado bilang sabat sa ginatawag it mga kaalyado nga padayon nga provokasyon it North Korea.
Raya ro unang B-1B nga igadeploy sa US-South Korean drills maghalin ko nagtaliwan nga 2017.
Gintago it Estados Unidos ro ap-at nga mga bombers sa Guam umpisa ko ulihing bahin it Oktubre.
Nauna eon nga ginhinyu it South Korea sa Estados Unidos nga pabaskugon ro deployment it “mga “strategic assets”, nga ginakaeakipan it mga aircraft carrier, nuclear submarine, ag long-range bombers kapareho it B-1B.
Samtang, ro US ag South Korean authorities hay indi pa magpaguwa it kumpirmasyon sa nasambit nga report.
