Pirme ka baea nga nakakaangkon it in-grown sa kuko?
Mag-andam bangud nga posibleng raya hay ro ginatawag nga Paronychia.
Ro Paronychia ukon nail infection hay kaeabanan nga nagahalin sa bacteria nga nagasueod sa panit pinaagi sa mga nina sa cuticle ag nail fold.
Kaeabanan raya nga nabobo-oe kon maputoe ro kuko , nagapa-manicure ukon sa pagbira it panit sa kilid it kuko.
Kon mapabay-an hay posibleng magresulta sa impeksyon nga mabudlay eon nga boengon.
Kun ikaw hay may mild paronychia, ibabad ro apektadong parte sa maeaba-ab nga tubi sa sueod it kinse minutos.
Raya hay nakakabulig sa pagbo-oe it nabilog nga nana sa idaeum it panit.
Nakakabulig man ro pagbutang it betadine bangud nga raya hay nakakabulig agud nga ma-prevent ro mga impeksyon.
Ginagamit man raya agud nga magmayad ro skin wounds, pressure sores ag surgical incisions.
Agud nga malikawan ro pag angkon it paronychia, ugalion nga likawan ro pag-kitkit sa kuko, masyadong matag-od nga pag-utod it kuko ag pag-utod maeapit sa nail fold.
Kon ikaw hay may diabetes, immuno-suppressed ukon nakakakita it signs of infection, indi eon magduha-duha nga magpakonsulta sa doktor .
