KALIBO,Aklan — Malipayon nga gin-anunsyo it Catholic Bishops’ Conference of the Philippines ukon CBCP ro pagdeklara sa Archdiocesan Shrine of the Black Nazarene bilang National Shrine of the Black Nazarene.
Suno kay CBCP president Most Rev. Pablo Virgilio (Ambo) David, Bishop of Kalookan nga sa katapusan hay naaprubahan ro proposal ni Manila Archbishop Jose Cardinal Advincula nga ro Quiapo Church hay maging ‘National Shrine of the Black Nazarene.”
Naaprubahan ro nasambit nga proposisyon sa ginpatigayon nga ika-126th plenary assembly it CBCP.
Angot kara, ro simbahan it Quiapo hay ro ika-29 nga national shrine it nasyon kon sa siin kada pista it Itom nga Nazareno hay ginapatigayon ro “traslacion” ukon pagsaylo it imahe halin sa Intramuros.
Halin ko 1787 nga pagpatigayon it traslacion hay nakilaea ro Quiapo Church bilang sentro it debosyon para sa mga Pilipino eabi eon sa mga kubos nga indibidwal.
Ro dating kapistahan it parokya kada ika-9 it Enero hay nag-eapad eon makaron ag ginaselebrar it mga deboto sa nagkaeain-eain nga parte it nasyon, maging sa ibang nasyon.
