Madinaeag-on nga nakaeusot ro Argentina, ro defending champions it FIFA World Cup, sa Round of 16 matapos piyerdihon ro debutant nga Cabo Verde sa sangka exciting nga hampang sa Miami Stadium, Florida, sa score nga 3-2, pinaagi sa extra time.
Si Lionel Messi ro nagbukas it iskor sa ika-29 minuto, nga nagdugang sa anang rekord bilang may pinakamaabung World Cup goals sa kasaysayan.
Naipatas it Cabo Verde ro hampang sa ikaywa ag tunga pinaagi kay Deroy Duarte, apang uman nga umabanse ro Argentina sa extra time sa goal ni Lisandro Martínez.
Owa nagsurender ro Cabo Verde ag napatas it uman ro score sa ika-103 minuto pinaagi kay Sidny Lopes Cabral.
Sa datos it hampang, buyot it Argentina ro 64% possession ag nakalista it 22 shots kumpara sa 16 it Cabo Verde.
Sa pihak it hugut nga depensa it debutant, nagpangibabaw ro eksperyensiya it mga kampeon.
Si Messi hay umabot eon sa 20 nga kabilugan nga World Cup goals ag nakalista it waeong sunod-sunod nga hampang nga may goal nga sangka bag-ong rekord.
Masunod nga maka-atubang it Argentina ro Egypt, nga ginpiyerde ro Australia sa penalty shootout, para sa tiket sa quarterfinals.
Ro kadaeag-an hay pamatuod nga nagapabilin nga mabakod ro Albiceleste sa andang misyon nga depensahan ro korona sa World Cup 2026.
