Madinaeag-on nga nakabalik sa kalibutan ro Artemis II matapos ro makasaysayang splashdown sa kadagatan maeapit sa San Diego, California.
Sa sueod it Integrity Capsule ro bilog nga team, matapos ro andang moon mission.
Ro ap-at nga astronaut hay sanday Reid Wiseman, Victor Glover, Christina Koch, ag Jeremy Hansen, matapos ro siyam nga adlaw nga pagbiyahe sa palibot it buean, nga nagmarka it bag-ong parte sa programa it NASA Artemis.
Halin sa kadasigon nga 23,000 mph (37,000 km/h) sa pagsueod sa atmospera, naghinay ro kapsula sa bulig it multi‑stage parachute system hasta sa 20–30 km/h antes nga nagtugpa sa dagat.
Insigidang rumesponde ro U.S. Navy halin sa USS John P. Murtha agud nga sug-aeawon ro crew para sa medikal nga pag-usisa ag recovery operations.
Ro misyon hay nagmadinaeag-on sa andang tuyo nga testingan ro mga sistema it Orion spacecraft ag ipahaum ro masunod nga tikang paagto sa uman nga pag-agto it tawo sa buean.
Sa kabilugan, nag-abot sa masobra sa 400,000 kilometro ro distansyang ginbiyahe it Artemis II, ag nagtau it mga litratong ginbo-oe halin sa lunar orbit, kaibahan ro view it “Earthset.”
Ro madinaeag-on nga pagbalik it Artemis II hay simbolo it bag-ong pag-eaum sa panibag-ong paniempo it eksplorasyon sa kalawakan, sangka pamatuod nga uman nga haum ro sangkatawuhan nga magtapak sa buean.
