Sangka 32-anyos nga American athlete ro nakalista it world record sa sports nga Skateboarding sa pihak it anang kapansanan!.
Ginkumpirma it records keeping organization nga Guinness World Records nga si Kanya Sesser ro pinakabag-ong world record holder sa titueong “Longest Handstand on Skateboard” matapos imaw makapag-balanse gamit ro anang mga alima sa sangka skateboard sa sueod it 19.65 seconds.
Gin-unga si Kanya ku 1992 sa Pak Chong, Thailand nga uwa it mga siki. Inaywan imaw it anang mga matuod nga ginikanan sa sangka Buddhist temple para ipaampon sa mga monghe.
Limang dag-on imaw kat ampunon it mag-asawang Amerikano ag gindaea imaw it mga raya sa Portland, Oregon. Ginpabahoe si Kanya it anang mga adoptive parents nga maging masinadayahon ag confident sa pihak it anang kapansanan.
Mag-euwas sa skateboarding, naging miyembro man it cheerleading team si Kanya ag nagsukoe man sa sports nga wheelchair track racing.
