Nag-viral ro ophthalmologist sa California nga si Katerina Kurteeva matapos i-post sa Instagram ro video kun sa siin ginabo-oe nana ro 23 bilog nga contact lenses sa mata it pasyenteng senior citizen.
Nag abot sa clinic ro pasyente nga nagareklamo it pagsakit it mata.
Unang duda ni Kurteeva hay may infection raya sa mata ukon may scratch raya sa cornea.
Apang owa nana ginaeauman nga may natipon gali raya nga 23 bilog it contact lenses sa eyelids it pasyente.
Makita sa viral video nga may caption nga “Don’t sleep in your contact lenses”, ro dahan-dahan nga pagbo-oe ni Kurteeva it 23 contact lenses gamit ro cotton buds.
Kaabuan sa contact lenses na nabo-oe ni Kurteeva hay naging kulay green eon sa kabuhay it pagpabilin kara sa mata it pasyente.
Nagdueueukot eon man ro mga raya ag kinahangean pa nga bueueagon gamit ro forceps.
Owa it naangkon nga damage ro mata it pasyente ag nagbalik man raya eagi sa paggamit it contact lens.
Sa pagpasugot it pasyente, gin-post ni Kurteeva ro nasambit nga video sa Instagram agud nga gamitong padumdum sa mga nagagamit it contact lens nga siguraduhon nga boe-on raya antes nga magkatueog.
