Atensyon sa mga mahilig sa noodles, pancit canton, ag soft drinks.
Bangud sa nasambit nga mga pagkaon, sangka 15-anyos nga babaye ro naka-angkon it stage 5 chronic kidney disease.
Nagapaidaeum sa dialysis sa Camarines Norte daywang beses sa sang domingo ro dalagita bangud sa nakahiligan nga pagkaon.
Nasayuran nga imbis tubi ro gina-inom hay mas gusto nana ro softdrinks.
Base sa impormasyon, gulpi eamang nga nagpang-euya ro dalagita matapos makabatyag it eagnat, ubo ag mabug-at nga eawas.
Suno sa findings it mga doktor, nagaguwa nga chronic kidney disease ro anang baeatian kabangdanan nga ginkinahangean nana nga magpaidaeum sa dialysis.
Bangud kara, nagpaandam ro mga eksperto sa mga pamatan-on nga mahilig sa noodles, pancit canton ag softdrinks nga limitahan ro pagkonsumo it mga raya bangud nga pirmeng sa ulihi ro paghinoesoe sa oras nga dapuan it baeatian!
