Nakalista ro South African woman nga si Ingar Valentyn it bag-ong world record matapos imaw nga makatimpla it 249 nga tasa it roobois tea sa sueod eamang it sang oras.
Sa anang world record attempt, ginpili ni Valentyn ro roobois tea bangud nga raya hay sangka native tea nga naghalin sa South African Aspalathus linearis shrub.
Ginapahaum nana ro tsaa agud nga ipainom sa mga estudyante ag residente it Wupperthal.
Agud nga mapierde nana ro previous record holder, kinahangean nga 150 nga tasa ro matimplang tsaa ni Valentyn.
Pagkatapos it anang record attempt, ginkakibot nana nga nag-eampas pa raya sa anang naobra ag nag abot sa 249 nga tasa ro anang natimpla.
Ro nasambit nga record attempt hay gin obra ni Valentyn agud nga i-promote ro turismo it Wupperthal.
