Sangka babaye sa Bangkok, Thailand ro aksidenteng na-lock ro kaugalingon sa banyo it anang baeay sa sueod it tatlong adlaw.
Naga-istar nga naga-isaeahanon ro owa ginpangaeanan nga 54-anyos nga babaye sa anang apartment sa Bangkok, Thailand.
Ko Agosto 22, 2022, naggamit it banyo ro babae ag idtu nag-umpisa ro tatlong adlaw nga pagkakulong nana kara .
Mabuhay eon nga defective ro doorknob it anang banyo apang bangud nga naga-isaeahanon ag indi maka-intigo nga magbaylo it doorknob, owa nana raya naisipan nga ayuson.
Gintinguhaan it babaye nga magpangayo it tabang apang owa it maskin sambilog sa anang mga kaeapitbaeay ro nakabati sa anang mga singgit ag pagbunae it pwertahan.
Sa sueod it pilang adlaw nga pagkakulong sa banyo, naka-survive imaw sa pag-inom it tubi halin sa gripo.
Sa ikatlong adlaw nana sa banyo, naduea-an eon it pageaum ro babae nga makaguwa pa imaw ag nagsueat raya it farewell message sa dingding nga tiles it banyo gamit ro anang skincare products.
Sa mayad nga swerte, nataeupangdan it anang manghud sa probinsiya nga pilang adlaw eon raya nga owa nagasabat sa mga text ag tawag
Nagkabaeaka eon raya ag nagpangayo it bulig sa Bangkok Police.
Nag agto ro mga pulis sa baeay it babaye ag nakibot imaw nga nakulong raya sa banyo.
Bangud nga pilang adlaw eon nga owa nakakaon, sobrang nag-euya ro babaye ag insigida raya nga gindaea sa ospital.
Madasig nga naka-recover ro babaye ag nakaguwa eon imaw sa ospital.
