KALIBO, Aklan—Bangud sa sobrang pagkadismaya sa naexperiensiyahan nga patay-sindi nga supply it kuryente eabi eon ko ulihing domingo it Abril, ginpakamayad ni Kalibo mayor Juris Sucro nga personal nga magdangop sa national office it National Grid Corporation of the Philippines ukon NGCP sa Quezon City.
Suno kay Carla Doromal Suñer, Executive Assistant 1 to the mayor nga personal man nga gintau ni mayor Sucro ro anang sueat nga naka address kay Anthony Almeda, president ag CEO it NGCP nga nagatuyo nga mabo-oe ro andang explinasyon sa matuod nga kabangdanan it natabu nga power disruptions ko Abril 27, 28, ag 29 sa isla it Panay, Guimaras, ag Negros nga nakatuga it disturbo sa mga student athletes nga nagpasakop sa Western Visayas Regional Athletic Association Meet 2023 kun sa siin host ro Aklan.
Nasayuran nga pilang eskwelahan sa banwa it Kalibo hay gingamit nga billeting quarters.
Mag-eowas kara nakatuga man raya it epekto sa ekonomiya it banwa ag bilog nga probinsiya it Aklan kamana man nga pagkasamad it kagamitan it mga member-consumers.
Dugang pa ni Suñer nga matapos nga nagpaguwa it advisory ro NGCP nga stable eon ro supply it kuryente ko Abril 30, nagpadayun gihapon ro mga unscheduled nga power interruptions.
Sa pihak nga parte, depensa sigon it NGCP nga nakapaguwa eon sanda sa explanation sa natabu pinaagi sa Akelco apang masyado sigon nga technical nga indi masyadong maintindihan it ordinaryong pumueuyu.
