Nakaeksperyensya it gutter hasta ankle deep nga pagbaha ro mga manaba nga porsyon sa banwa it Kalibo bangud sa mabaskog nga pagbuhos it uean, adlaw it Dominggo, imbukada sa buean it Disyembre daea it shearline.
Angot kara, ginpaathag ni Kalibo Municipal Disaster Risk Reduction Management Office head Terrence June Toriano ro terminology nga shearline nga ginamit it weather bureau.
Suno kana, bukon eamang it sa weather system nakakaapekto ro shearline kundi maging sa pagpangabuhi it tawo.
Raya hay kasunod it daea kara nga moderate to heavy rains nga nagaresulta sa mga pagbaha ag landslides.
Ginpahayag dugang nga bangud sa tyempo it Amihan, nagatuhaw ro shearline ag eauman eon ro magae-umon hasta sa maueanon nga panyempo ag ro pagbilog it mga bagyo nga posibleng makaapekto sa probinsya it Aklan.
Bangud sa catch basin it tubi-baha ro banwa it Kalibo hay sigidas nanda nga ginmonitor ro Aklan river agud nga mataw-an it tempranong abiso nga makapahaom ag makabakwit ro mga naga-istar sa low lying areas.
Samtang, gilayon man nga nagsubside ro tubi-baha paghueaw it uean bandang hapon.
Sa makaron hay suspendido ro klase sa tanan nga lebel both private and public schools ag ro trabaho sa munisipyo agud nga maamligan ro andang kaeowasan bangud sa ginaeauman pang mabaskog nga pag-uean makaron nga adlaw it Lunes.
