Gin-insister ni Kabataan Partylist Representative Raoul Manuel nga dapat maging available sa tanan nga sektor ro target nga P29 pesos kada kilo it b ugas.
Dapat sigon hay mabakae raya anumang oras ag maskin siin nga lugar ag ro nasambit nga presyo ro nagairal sa bilog nga nasyon.
Para kay Manuel, makabig raya nga publicity stunt eamang it administrasyon kon ro barato nga presyo it bugas hay maitao eamang sa pilang grupo it tawo.
Kasunod raya it anunsyo nga ro pagbuhin sa taripa sa imported nga bugas hay magaresulta sa pagnaba sa presyo it bugas nga ginaeauman nga mabatyagan sa masunod nga buean.
Gin-insister it kongresista nga ro paghathat it pangmabuhayan nga solusyon para mapanaba ro presyo it bugas sa pinaagi it pagpaumwad sa lokal nga produksyon ag bukon it permi pagkonsidera sa importasyon.
Ro pagbaligya it dekalidad nga bugas hay mas mayad sigon kon ginbakae raya mismo sa kaugalingon naton nga mga mangunguma ag bukon it gin-iport sa ibang nasyon.
