KALIBO, Aklan—Nagsalakay sa karsadahon ro mga progresibong grupo agud nga dumdumon ro Labor Day ag iprotesta ro suno kanda hay bukon it bastanteng pag alalay it gobyerno sa mga trabahanteng Pinoy.
Suno kay Kim Sin Tugna, OIC provincial coordinator it Bagong Alyansang Makabayan ukon Bayan aklan nga padayun nanda nga ginahirit ro umento sa sweldo, waeong oras nga working hours ag regularization sa tunga it naexperiensiyahan sa gihapon pandemya.
Sa Kalibo Pastrana Park napili nga venue it nagkaeain-eain nga progresibong grupo nga nagtingub it pwersa para sa pagpatigayon it rally.
Dugang nanda nga panawagan ro trabaho, ayuda, kinamatarung ag soberenya.
Ro kinamatarung sigon it mga trabahador hay ginabalewala it Marcos administration bangud nga mas ginpili pa kara ro anang pagbiyahe sa US agud nga makipagpueong kay President Joe Biden it Amerika.
