KALIBO, Aklan—Nagapadayon ro imbestigasyon it Bureau of Fire Protection (BFP) Kalibo sa nag-eontad nga sunog sa Tolentino Road 8, Brgy. Tigayon, Kalibo bandang alas-3:40 it hapon.
Suno kay FO1 Mark Jerome Mabacquai it BFP Kalibo, totally burn ro daywang ka panimaeay nga ginapanag-iyahan ni John Leenard Dela Cruz ag Annalyn Natabio kamana man ro sangka baraka nga ginapanag-iyahan it mag live-in partner nga sanday Gloven Cadorna ag Rhea Beluso.
Ginpahayag dugang nga human raya sa lights materials ag mabaskog ro hangin sa lugar rason nga madasig nga nagkalhit ro kaeayo.
Base sigon sa andang inisyal nga imbestigasyon, sa extension naghalin ro kaeayo bangud sa ginatawag nga octopus connection kon sa siin uwa nadaea it kuryente ro iba pang kagamitan nga ginsaksak rason nga raya hay nasunog.
Ginatantya nga kapin sa P80,000 pesos ro danyos it nasambit nga insidente.
Samtang sa pihak nga parte, uman nga nagpadumdom ro BFP sa publiko nga likawan ro sunog pamaagi sa pagiging responsable sa kuryente sa sueod it panimaeay.
Inde sigon pag-aywanan nga naka-plug inn pa ro mga kagamitan bangud may posibilidad nga ma-over heat ag likawan ro octopus connection nga magatuga it kahalitan.
