KALIBO, Aklan–Uman nga nagpagguwa it travel advisory ro Coast Guard Station (CGS)-Aklan angot sa kanselasyon it biyahe it mga maisot nga motorbanca halin Romblon paadto it Caticlan vice versa.
Raya hay bangud sa gin-isyu nga gale warning it PAGASA tuga it shearline.
Suno kay Dominador Salvino, Deputy Station Commander for Operations it Coast Guard Station-Aklan nga nagapabilin nga mabaskog ro hangin sa Area of Responsibility it probinsya.
Bangud sa mabaskog nga hangin ag baeod, may mga nasamad eon nga seawall sa bahin it Brgy. Poblacion, Malay.
Ginpasiguro man kara nga 24/7 sanda nga naka-monitor agud nga masiguro ro kaeuwasan it mga biyahero ag turista kamana man nga malikawan ro anumang maritime incident.
Samtang, naging matawhay man sigon ro selebrasyon it Paskwa sa bilog nga isla it Boracay.
Nagapabilin sigon sanda nga naka-heightened alert ag padayun ro pagpatigayun it pre-departure inspection sa mga pantalan bangud sa ginaeauman nga mas pang pagbuhos it mga pasahero samtang nagahilapit ro bag-ong dag-on.
