KALIBO, Aklan—Ginatutukan sa makaron it Malay Police Station ro ginapahayag nga “crime hot spots” sa isla it Boracay.
Ginaeauman eon it mga kapulisan ro uman nga pagtaas ko numero it mga krimen matapos nga buksan ro isla sa mga turista ko Oktubre 26.
Ro mga nasambitang hot spots sa isla hay ro Cagban, Bantud, Puka Beach, Angol, Caticlan ag Bulabog.
Suno kay C/Insp. Ruel Firmo, hepe it Malay PNP nga nagpakalhit sanda it mga foot ag mobile patrols ag gin-engganyo ro publiko nga makipagbuligan sa mga otoridad agud mapanaba ro krimen sa mga ginakabig nga critical areas.
Nasayuran nga ro Malay Police Stations hay may limang police sub-stations sa tatlong barangay sa Boracay ag sangka mobile patrol unit nga may kabilugang 213 nga kapulisan.
Kabulig man nanda sa pagpatrolya ro pilang force multipliers kaparehas it mga barangay tanod, Salaam Police, Kabalikat Civicom ag iba pa.
