KALIBO, Aklan — Nasunod ro boses it mga Pilipino sa naging desisyon it Kamara de Representantes nga isaylo ro confidential funds it mga civilian agency.
Raya ro ginpahayag ni House Committee on Appropriations Vice Chairperson ag Aklan 2nd District Rep. Teodorico Haresco Jr.
Suno kana, nakabaehag sa Konstitisyon nga ro Kongreso ro may power of the purse ag nagaserbeng boses it mga Pilipino ro representante it mga raya.
Ginpunto ni Haresco nga ro Pilipinas hay una sa Pacific Ring of Fire ag masami nga ginaagyan it mga bagyo rason nga ro pagsaylo sigon it confidential funds para magamit sa mga emergency situation hay uwa eamang naayon sa Saligang Batas kundi angkop man sa panyempo.
Ginpahayag dugang ni Haresco nga nababagay man ro confidential fund sa mga security agency it gobyerno kaparehas it Armed Forces of the Philippine ag Philippine National Police kaysa sa mga civilian executive agency.
Suno pa kana nga ro pagtaeana it confidential funds hay nag-agi man sa maid-id nga deliberasyon sa mga nagtaliwan nga Kongreso ag bukon it makaron eamang raya natabo.
Bilang representante sigon it mga Pilipino, nagpamati eamang ro mga miyembro it Kamara sa andang mga nasakupan.
