KALIBO, Aklan—Makabulig ro breathing exercise para sa mga tawo nga nakaka-eksperyensiya it anxiety ag depression.
Suno kay Dr. Janet Ortega, sangka mental health advocate nga ro pagginhawa it madaeum hay nakaka-relax mas kapin kung ro sangka tawo hay indi mapahimayang bangud sa anang mga gina-isip nga problema.
Sa pihak kara, ginklaro man ni Dr. Ortega nga mas manami sa gihapon nga magpaeapit sa pamilya ukon barkada ag makikipag-istorya sa ibang tawo kung may ginapangatubang nga problema.
Dapat man sigon nga ipabatyag kanda nga owa sanda nagaisaeahanon ag may tawo nga bukas sa pagpaabot it nagakaigo nga bulig.
Masayuran sigon nga depressed ro sangka tawo kung raya hay owa eun naila nga makipaghalubilo ag pilit nga ginabag-o ro andang mga nakasanayan nga hilimuon.
Kung may kakilaea sigon nga may makaraya eun nga ginapakita nga pagbinatasan hay mas mayad nga istoryahon agud nga malikawan nga mauli sa pagpakamatay.
