KALIBO, Aklan—Ginkalipay it committee on tourism it sangguniang bayan it Kalibo ag ko Municipal Tourism Office ro uman nga pagbukas it Tigayon Hills sa mga pilgrims makaron nga Semana Santa.
Kadungan kara, pormal nga ginbuksan ro “Bugae it Tigayon” nga magabuhay it tatlong adlaw ukon hasta sa Sabado de Gloria.
Pinaagi sa nasambit nga event, ginapasugtan ro mga vendors sa gintaeana nga lugar, nga i-showcase partikular it mga tumandok ro andang mga produkto kapareho it mga kakanin ag mga tinuean-on.
Suno kay SB member Ronald Marte, chairman it committee on tourism nga nagpanguna sa ribbon cutting nga manami raya nga oportunidad para sa mga micro entrepreneur ukon mga maintok nga negosyante nga ma promote ro andang produkto.
Sa makaron hay dagsa eon ro mga bisita sa lugar nga nagapatigayon it via crucis samtang ro iba hay naga-enjoy sa view it nature.
