KALIBO, Aklan–Ginkumpirma ni Bombo International Correspondent Pinoy Gonzales it Houston, Texas nga bukon eon it required nga magsuksok it face mask ro mga fully vaccinated sa US.
Apang raya hay aplikable eamang sa mga lugar nga bukon it matawo.
Suno kay Gonzales nga ro mandu hay ginpaguwa it Centers for Disease Control and Prevention.
Ginapasugtan man sigon nga magtipon-tipon ro mga tawo ukon indi eon iga-obserba ro physical distancing basta nga daywang domingo pagkatapos it final dose.
Haeos balik eon suno kana sa normal ro andang pagpangabuhi bangud sa pagbukas it haeos tanan nga negosyo.
Apang may pilang estado sigon ro owa nagapasugot sa nasambit nga mandu it CDC ag nagpaandam nga pagamultahan ro mga pumueuyu nga madakpan nga owa it suksok nga face mask partikular sa New Jersey, New York ag iba pa.
