Ginatun-an eon makaron it Bureau of Immigration ro mga kasong posibleng ipasaka kontra kay dating Presidential Spokesperson Sec. Harry Roque.
Raya hay may kaangtanan sa ilegal nga pamaagi it pagguwa kara sa nasyon sa pihak it warrant of arrest nga gindihon kana it Quad Committee it Kamara.
Nauna eon nga gin-ako it dating opisyal nga nakaguwa eon imaw it Pilipinas.
Ginhimo ni Roque ro pahayag kadungan it pagpanumpa kara sa Embahada it Pilipinas sa UAE para sa counter affidavit nga ginpasaka sa Departement of Justice nga may kaangtanan sa pagkaimbolbar sigon nana sa ilegal nga operasyon it Philippine Offshore Gaming Operators sa nasyon.
Samtang, gin-insister mat-a ni Immigration Commissioner Joel Anthony Viado nga ro pagguwa ni Roque sa nasyon hay iligal bangud sa uwa raya it naging byahe sa listahan it andang ahensya.
Ginatan-aw it ahensya ro posibilidad nga gumamit si Roque it fake immigration clearance dahilan para makasueod sa UAE.
Apang, gin-isnister ni Roque nga uwa pa imaw it kaso rason nga hilway raya nga makabiyahe sa ibang nasyon.
