BALITANG Espesyal —- Suksok ro patong-patong nga 90 nga t-shirts, natapos it sangka runner halin sa alberta, Canada ro masobra sa 20 kilometrong hypothermic half marathon ag naglista it panibag-ong world record sa Guinness.
Suno kay david eliuk, limang buean nana raya nga ginpahauman apang owa nana ginaeauman ro pagbag-o sa bug-at it mga eambong ag paggutok kara.
Apang sa bulig it anang team hay naging madinaeag-on sa gihapon imaw sa anang “t-shirt wearing record”.
Suno kana nga pinaagi sa pagsuksok it 90 nga mga t-shirts hay nataw-an it katumanan ro anang handum sa kabuhi nga maeakip sa Guinness.
Samtang, ro mga litrato ag pruweba it nasambit nga record breaking attempt ni eliuk hay ginpadaea eon sa Guinness World of Records para sa opisyal nga pagkilaea .
Madumduman nga ko 2019, kat mabaton ni David Smith , sangka british runner ro titulong most worn t-shirts during a marathon sa pagsuksok it 76 nga t-shirts samtang nagapasakop sa pagdaeagan .
