Ginapatihan it sangka batikang abogado sa Aklan nga bangud sa chemicals nga ginagamit sa kaeanasan ro rason it pag-angkon it red tide toxin sa mga kaeawran.
Suno kay Atty. Florencio “Olen” Gonzales, ro mga toxic chemicals nga ginagamit sa mga pananom sa mga kaeanasan hay posible raya nga magdueohog sa irigasyon paadto sa mga kasubaan, sapa hasta nga makaabot sa kaeawran.
Kinahang-ean suno kana ro maid-id nga pag-istudyo kara it Department of Agiculture and Bureau of Fisheries and Aquatic Resources ukon BFAR para inde madueaan it pangabuhian ro mga mangingisda ag ro nabubuhi sa mga shellfish ukon panginhason.
Kinahang-ean eon suno kana nga maghueag ro gobyerno bangud nga medyo nagaguwa nga kita man mismo ro nagahilo sa aton nga environment.
Madumduman nga nagpaguwa it anunsyo ro BFAR-PFO nga may presensya it Paralytic Shellfish Toxin (PST) sa Batan Bay and it’s Tributaries apang raya hay una sa manaba pa eamang nga level.
Ro mga Shellfishes nga maghalin sa nasambit nga munisipalidad hay eowas nga kan-on it tawo basta nga naeaha it mayad.
