SPORTS News — Una eon sa unang pwesto ro China kontra sa host country nga France sa latest nga medal tally it 2024 Paris Olympics, Agosto 1.
Ro dating nagapanguna nga Japan hay nagapangatlo nga may waeo nga gold, tatlo nga silver ag ap-at nga bronze.
Nagpanguna ro China sa medal tally matapos nga makatipon it siyam nga gold, pito nga silver, ag tatlo nga bronze.
Samtang ro France hay may waeo nga gold, napueo nga silver, ag waeo nga bronze medals.
Ro United States ro nakalista it pinaka-maabu nga medalya nga naga-abot sa 30 nga ginaeakipan it lima nga gold, 13 nga silver, ag 12 nga bronze.
Nagapabilin nga owa pa it medalya ro Pilipinas.
Ro baeantayan nga masunod nga hampang it Team Philippines hay sa Agosto 2, sa hapon kon sa siin magahampang si Jarod Hatch it Swimming – Men’s 100m Butterfly (Heat) ag Aira Villegas Women’s boxing – 50 kg.
Sa Agosto 3 hay magasabak si Nesthy Petecio sa women’s 57kg. round of 16 ag Carlo Paalam sa men’s 57kg. quarterfinals.
