Ginrekomenda it Commission on Audit (COA) ro mas strikto nga tikang kontra sa mga opisyal it Department of Education (DepEd) nga napas-eawang i-liquidate ro cash advances (CAs) nga umabot sa Php6.96 bilyon pesos hasta ko Disyembre 31, 2023.
Sa 2023 Annual Audit Report, gin-insister it COA ro kapas-eawan it DepEd nga sumunod sa mga laye ag regulasyon, nga nagresulta sa pag-abo it mga uwa naliquidate nga pondo. Pila sa mga kakueangan hay ro pagtao it CAs nga uwa it tamang awtoridad, pagsaylo it pondo sa ibang accountable officers (AOs), kawad-an it tamang bonding para sa AOs, ag pagbayad it mga gastuson kaparehas it Service Recognition Incentives (SRI) sa pinaagi it CAs imbes nga diretsong bayaran.
Pinakamataas nga uwa naliquidate nga cash advances per rehiyon:
Region VII (Central Visayas): Php 1.31 bilyon
Region VIII (Eastern Visayas): Php 1.01 bilyon
Region XII (SOCCSKSARGEN): Php 819.4 milyon
Region IX (Zamboanga Peninsula): Php 537.1 milyon
Region VI (Western Visayas): Php 513.9 milyon
NCR (National Capital Region): Php 301.9 milyon
Mga solusyong ginrekomenda it COA:
Punduhon ro pagtao it bag-ong cash advances sa mga opisyal nga may nakabinbing balanse.
Magpaguwa it demand letters sa mga aktibong empleyado agud piliton ro liquidation.
I-hold ro sweldo ag iba pang benepisyo it mga delinquent AOs hasta sa mabayaran ro utang.
Mag-imponer it penalidad base sa mga sueondanan it Civil Service Commission (CSC) para sa mga nadelay nga liquidation.
I-write off ro mga dormant accounts nga uwa naresolba sa sueod it masobra sang dekada.
Nasambit man sa report nga may pilang uwa naliquidate nga balanse nga ginakaimbolbaran it mga opisyal nga nag-retire, nagresign, AWOL, ukon magsaylo it ahensya, nga kapin pang nagpakalisod sa proseso it pagrekober.
