KALIBO, Aklan—Generally peaceful ag maayos ro haeos sang domingo nga pagdihon it certificate of candidacy (COC) para sa 2023 Barangay ag Sangguniang Kabataan Elections.
Raya ro ginpahayag ni P/SSgt. Jane Vega, tagapaghambae it Aklan Police Provincial Office ukon APPO matapos sigon nanda nga padayun nga ginabantayan ro sitwasyon hasta sa ulihing adlaw it filing makaron.
Maskin nga owa it may na-monitor sandang election-related incident, apang padayun ro andang pagbantay.
Sa pag-umpisa sa pagdihon it COC, gin-umpisahan man it kapuilisan ko Lunes ro implementasyon it three-month election gun ban para sa seguridad it eleksyon sa Oktubre 30.
Ginpahayag ni Vega nga padayun ro pagtukod it mga checkpoints sa nagkaeain-eain nga mga lugar sa Aklan kabulig ro AFP agud nga mag monitor ag mag inspect ag hugut nga mapatuman ro gun ban.
