Color coding it Feb-ibig aton nga pagasayuron
SPECIAl Report —- Ro Valentine’s Day ro sambilog sa favorite holidays it kaabuan.
Bukon eamang it kulay puea ro Adlaw it mga Tagipusuon makaron, kundi nga may una man nga color coding nga ginbasag ro stereo type it nagadaba-daba nga red.
Ro color coding it Valentine’s Day makaron hay depende man base sa sitwasyon it indibidwal, depende status it imong tagipusuon. Ro mga kulay bilang heart code nga simbolo it status it sangka tawo sa expression it relationship status kara.
Kaeabanan eon ro pagsuksok it red kada Valentine’s Day. Bangud nga kon nakasuksok it eambong nga kulay puea, buot hambaeon nga “in love”. Ro itom hay nagakahueugan it bitter. Gray kun single and contented. Brown hay friend zone.
Kun ikaw hay broken hearted magsuksok it kulay blue. Puti kun ro priority anay ro pagtuon.
Kun moving on ro drama, magsuksok it kulay yellow. Green man kun feeling mo hay complicated ro status sa sangka relasyon. Pink ro isuksok agud nga masayuran nga nagahueat ka pa, para sa imong “the one”. Indi mahuya nga magsuksok it purple bilang simbolo it pagiging single since birth. Bangud ro kulay purple hay nagapasugot it madaeum nga paghigugma. Bukon it maeain nga maghueat it tamang someone nga deserve it iong pagpalangga.
Magdahan eang makaron nga tiempo it eleksyon sa color coding makaron nga tiempo it V-Day bangud nga basi nga masae-an raya it imong ginasuportahan nga kandidato.
Ikaw, ano ro kulay it imong tagipusuon makaron nga Valentine’s Day?
