Ginpasiguro it Commission on Elections ukon COMELEC-aklan nga haum sanda sa mga masunod ag anuman nga matabu may kaangtanan sa nakataeanang barangay ag Sangguniang Kabataan ukon SK elections sa December 5.
Ginpaathag ni Crispin Raymund Gerardo , tagapaghambae it COMELEC-Aklan nga haum nga magsunod ro komisyon engkaso nga eubusan eon nga maging laye ro ginaproponer nga pagpaiway sa nasambit nga eleksyon.
Suno kana nga sa makaron maskin nga aprubado eon it daywang kapueongan it kongreso ro proposisyon hay owa pa raya it finality.
Apang engkaso suno kana nga madayun ro eleksyon hay haum gihapon sanda nga obrahon ro proseso ag mga kinahangeanon sa pagpatigayon it eleksyon.
Sa kamatuoran suno kana hay ginapahaum eon nanda ro pag-post it list of voters kamana man ro pagtipon ukon pag-appoint it mga manugturo nga magaserbing board of election tellers.
Nauna kara hay ginaduso it daywang kapueongan it kongreso nga i-postpone ro nasambit nga eleksyon bangud nga mabahoe nga sigon nga pondo ro matipid it gobyerno kon indi raya madayun .
