KALIBO, Aklan—Kinahang-ean nga masiguro it mga nagahandum nga magpadaeagan sa 2023 Synchronized Barangay and Sangguniang Kabataan Elections nga makadihon sanda it Certificate of Candidacy (COC) umpisa Agosto 28 hasta Setyembre 2.
Raya ro ginpahayag ni Commission on Elections ukon Comelec-Aklan spokesman Crispin Raymund Gerardo.
Suno kana nga raya hay bangud nga malabo eon nga paeawigon pa ro tiempo it filing bangud nga engkaso nga makaangkon it extension hay posibleng makaangkon it problema sa ginpatigayon nga preparasyon para sa nagahilapit nga eleksyon.
Pwede sigon nga magsumite it COC umpisa alas-8:00 it agahon hasta alas-5:00 it hapon sa nasambit nga petsa.
Angot kara, nagpadumdum si Gerardo nga ro makadihon it andang COC hay makabig eon nga kandidato.
Pagkatapos sigon it pag-file it COC, bawae eon ro magkampanya ro mga kandidato umpisa Setyembre 3 hasta Oktubre 18.
Hugut suno kana nga ginabawae ro premature campaigning ukon pagpangampanya it temprano antes ro gintaeana nga campaign period sa Oktubre 19-28.
