Maskin nga pagabatunon it Commission on Elections ro kandidatura ni dismissed Bamban Mayor Alice Guo, ginpunto ni Comelec chairman George Erwin Garcia nga may una nga 3 existing grounds o basehan ro poll body para kanselahon ro kandidatura ni Guo ag maski sin-uman nga may kaparehas nga sitwasyon.
Kaibahan sa ginakabig nga basehan it poll body chief ro pagdeklara sa sangka kandidato bilang nuisance candidate, ro petisyon nga naga tuyo nga kanselahon ro kandidatura bangod sa edad, nasyonalidad ag registration bilang botante imaw man ro desisyon halin sa Ombudsman nga nagadiskwalipika sa sangka kandidato nga nagadaeagan sa posisyon sa gobyerno habang nagakabuhi.
Suno pa kay Garcia, sa idaeom it Republic Act 6770, ro desisyon it Ombudsman hay immediately executory.
Ginhimo it Comelec chief ro pahayag matapos ihayag it legal counsel ni Guo nga si Atty. Stephen David nga ginasaligan nga pormal eon magadihon it kandidatura si Guo sa ulihing adlaw it COC filing sa Martes, Oktubre 8 para magdaeagan it uman bilang alkalde it Bamban, Tarlac sa pihak pa it patung-patong nga kaso kuntra sa kana ag sa presente man nga nakakulong sa Pasay city jail.
