Boluntaryong nagpaguwa it waiver si Comelec Chairman George Erwin Garcia para pabay-an ro mga imbestigador nga usisaon ro anang bank records.
Raya hay kasunod it pagbulgar ni Sagip party-list Rep. Rodante Marcoleta nga inde magnaba sa P1 bilyon pesos ro ginsaylo sa mga bangko, kaibahan ro mga nakabase sa South Korea, paadto sa 49 offshore accounts nga naangot sa sangka opisyal it Comelec.
Gin-insister ni Garcia nga ro anang pag-waive it bank secrecy hay para inde mamantsahan ro reputasyon it Comelec ag sa ulihi hay mapamatud-an nana sa mga kritiko nga malimpyo ro anang record ag uwa imaw it ginatago nga anomalya.
Mag-eowas kara, ginpaabot man ni Garcia sa National Bureau of Investigation (NBI) ro 49 nga bank accounts nga ginpaguwa ni Marcoleta.
Gusto man sigon masayuran it Comelec Chairman kon kanyo ro mga nasambit nga bank details ag kon naga-eksister ro mga raya.
Nagaeaum ro pinuno it poll body nga maipaguwa ro kamatuoran para mag-eotaw kon sin-o ro sa likod it nagpakalhit it fake news ukon misinformation kontra sa Comelec.
