Paga-umpisahan eon it Commission on Elections (Comelec) ro pagpahaum sa buean it Hunyo para sa igapatigayon nga Barangay ag Sangguniang Kabataan (SK) elections sa Disyembre 5 it da-ong 2022.
Suno kay Commissioner George Erwin Garcia, padayon ro andang pagpahaum it mga pagagamiton nga materyales para sa barangay ag SK elections nga pagatigayunon manually.
Sa kamatuoran, nakataeana nga paga-umpisahan eoman ro pagbaton it voter registration sa buean it Hulyo.
Raya hay sa pihak it padayon nga nagakalhit nga igasuspende anay ro nasambit nga election.
Sa makaron, owa pa sigon raya ginakonsidera it poll body bangud owa pa it laye nga napirmahan sa pagsuspende sa barangay ag Sk elections.
Apang, engkaso man ga suspendihon ro barangay ag SK election, owa man sigon it maging problema kung siin mas makatipid pa ro gobyerno it kapin sa P8.6 billion nga nakataeanang pondo para sa SK ag barangay elections.
Samtang,nakipagpueong eon man ro poll body sa mga regional directors angot sa andang kahauman sa mga pagagamiton nga voter’s registration machine ag sa mga forms ag iba pang materyales.
