KALIBO, Aklan—Nagapahum eon ro Civil Service Commission ukon CSC Aklan para sa career service examination – Pen and Paper Test kun sa siin ginaboebanta nga 3,000 ro mga examinees sa probinsiya sa maabot nga Agosto 20.
Suno kay Leo Jamorin, Director II it CSC-Aklan nga ro nasambit nga numero hay mas abu kaysa sa mga registrants ko nagtaliwan nga March 26, 2023 nga eksaminasyon.
Laygay kara sa mga examinees nga daywang domingo antes ro eksaminasyon hay i-check ro CSC website ag i-click ro Online Notice of School Assignment agud nga masayuran ro room ag school assignment nga gintaeana kanda sa banwa it Kalibo.
Nagdugang sigon sanda it sambilog nga eskwelahan nga halin sa dating ap-at hay lima eon makaron para ma-accommodate ro mabahoe nga numero it mga examinees.
Ro patakarang “no ID card/document, no Exam” hay hugut sa gihapon nga igapatuman it CSC.
